berubung gw diangkat jadi moderator tanpa konpirmasi, apelagi syukuran selametan, gw juge mao bikin peraturan kagak pake konpirmasi lagih..Berikut Peraturan Board Humor dan Kreativitas tapi UnOfficial, soalnye kagak didiskusiin dulu ame moderator nyang laen sumbernye dari Global rule nye Abdul MalikSyah, cuman di syarah aje dikit
soal nunjuk gw jdi moderator pan bise PM, email atawe ngasih pengumuman dimesjid-mesjid sebelom sholat jum'at ape susahnye si? atawe kirim newsticker Metro TV, jangan-jangan gw lagi disetrap nih
1. Judul topik
Jangan pernah ngasih judul topik make kate-kate :
Judul Topik 
Judul topik kudu efisien, yang berarti ringkas, padat, dan memberi gambaran apa yang mau didiskusikan. tapi jangan ampe kebangetan pendek misalnye kate :
Bila,
Atau,
Duh, apelagi cuman ngasih tande bace kek titik, koma, spasi..
Jangan Juge bikin Judul Topik kebangetan panjang, Sederhane aje.. inget disini board Humor, kalo mao judulnye panjang nonton doraemon aje, Judul akan diubah oleh moderator jika dianggap tidak efisien.
contoh :
Bhs Indonesia lebih simple dibandingkan dengan Bhs Inggrisdiatas entu contoh nyang bener, soalnye kalu kage diedit, judul topiknye bakalan kek ginih :
Bahasa Indonesia lebih Simple Bila Dibandingkan dengan bahasa Inggris tapi dialeknya pakai bahasa Jakarta alias betawi udah gitu bahasa betawi pinggiran lagiribet kage tuh?? tapi biar kate udah diedit tetep aje masih kepanjangan masih bise diedit lagi.. tapi hindarin pemakaian singkatan nyang berlebihan
contoh :
Bhs Ina lbh sple dibndkn dg Bhs Igrs 
jangan juge make bahase 4L4y please dech
contoh :
8hs 1nd0n3si4 l381h 51mpl3.... beneran gw kagak sanggup nerusinnye
hindari juge bahase kode yee..
contoh :
... ......... ..... ...... ..... ............ ................. haqul yakin bukan cuman member myquran aje nyang kagak paham, james bond juge nyerah..
2. Teliti Judul judul topik thread
Menghindari duplikasi, sangat diharapkan membuka-buka halaman sebelumnya sebelum memasukkan topik baru.
Jangan make fasilitas SEARCH, soalnye kagak begitu Nolong, mendingan sebelom bikin Topik Baru diteliti dulu udeh ade ape belom, jangan biasain
males soalnye postingan di myquran sampe peraturan ini dibikin cuman 2.055.337 Tulisan dalam 56.467 Topik... cek atu-atu
3. OOT (out of topic)
Postingan atau tanggapan yang tidak relevan dengan topik dan jalannya diskusi, diharapkan untuk dihindari.
Mis.
Postingan sebaris yang cuma berisi ujaran seperti :
"glek ! ", atau "lo bicara apa?" atau
"ya dari mimpi dong",
atau ungkapan asbun yang tidak menyumbang apapun pada diskusi, akan dieleminasi.
nyang ini juge kudu diperatiin, buanglah OOT pade tempatnye, dimane lagi kalu bukan di marih Board Kesayangan Kite Humor dan Kreativitas..
tapi kudu diinget, kalu mao OOT kudu Kreatip..
4. Argumentum Ad Hominem
Dilarang keras melakukan argumentum ad hominem alias personal attack alias menyerang ke pribadi seseorang, bukannya materi diskusi atau argumentasi ybs.
gw kagak mo banyak komentar soal peraturan nyang enih, asli beneran kagak paham soalnye waktu gw search digugel Hominem entu Name Penyanyi RAp kulit putih, laen waktu disearch Hominem entu asal kate dari Hom ame Inem nyang artinye Inem ade dirumah alias PRT (Pembantu Rumah tangga) jadi jangan percaye ame gugel, musyrik...
yang parahnye gw sempet kepikiran kalu Argumentum Ad Hominem entu sejenis Mantra di pelem Harry Potter
Jika dipandang perlu, Moderator akan mengedit, ataupun menghapus post-post secara jelas dan tegas melanggar aturan diskusi diatas.
oh tenang aje kite bukan di DDI, HukPol atawe Board Diskusi Khusus laennye.. kite eni di board Humor.. kalo melanggar aturan kagak ampe di edit atawe di Apus.. di Banned apelagi, jauuuhhh daaan kage Mungkiin.. Hukumannye adalah :
Postingannye Kite PAKU, Orangnye kite BULLY rame-rame, HUAHAHAHA... HUAHAHAHA...
*PSIKOPAT DETECT
Peraturan Tambahan :1. Dilarang Ngetik Postingan sambilan Ngupil, bise-bise ilang
ketonsentrasi*.. soalnye enakan ngupil dibandingin ame ngetik postingan. Apelagi kalo lagi bales-balesan di DDI. gak janji deh..
2. Kalo emang udah terlanjur Ngupil, jangan ampe 'hasilnye' ditaro dibawah meja komputer, bawah Keyboard, apelagi layar monitor, inget kebersihan entu sebagian dari Iman, jadi mending taro ditempat yang seharusnye (lobang Idung)
3. Member nyang dibawah 18 tahun atawe nyang udeh diatas 18 Tahun kagak boleh buka myquran dipinggiran or ditengah jalan tol
4. Harap berbesar hati, disini semuenye cuman Canda, pasti kagak ade nyang serius, buat have fun aje
5. Buat penderite Hipertensi/darah tinggi jangan buke myquran sambil ngemutin garem, soalnye penderite hypertensi kudu diet garem
6. Silahkan buat nyang laen ngasih masukkan terkait peraturan baru ini.. huehehehe...
*terbukti pan, gw aje ampe salah ketik...
